من المعروف ان سن 30 هو سن الشباب والقوه وبيكون عندك طاقه عاليه وحماس
وافكار بس عشان الفتره دي متضيعيش منك وتروح لازم تعرف 7 دورس قبل ما
توصل لسن الثلاثين .
1-التعليم مش تقدير في الكليه وبس
بعض الناس معتقدة انك لما تجيب تقدير في الكليه هتتخرج تلاقي شغل وهتبقى ناجح
في حياتك واحدى المقولات الشهيره سمعتها "المرتبه اهم حاجه "
التعليم مش جامعي وبس فيه كلية كبيرة احنا كلنا طلبة فيها اسمها الحياه دي هتعلمك
وهتفيدك اكتر من اي كلية تانية هتديك دروس تساهم في بناء الشخصية المناسبة ليك
"الحياه مدرسه " .
2-الفلوس مش بتحل كل المشاكل
مشاكلك في حياتك مش هتتحل بالفلوس اقصد مشاكلك الحقيقيه طبعا الفلوس هتوفرلك
العديد من الخيارات وهتفتحلك الكتير من الابواب بس "بيت سعيد , وظيفه ممتازة
,اصدقاء جيدين " كل ده مش محتاج فلوس عشان يكون متوفر ليك .
7 حاجات تسعدك " ببلاش"
3- وقتك محدود
"أي وقت هو الوقت المناسب " جورج إليوت
وقتك محدود متستناش الفرصه المناسبة او الوقت المناسب اي وقت هو الوقت المناسب
لعمل اي حاجة انت عايزها الوقت بيعدي منك مش هيرجع تاني استغل وقتك صح
واعمل حساب كل ثانية انك هتستغلها الاستغلال الامثل .
4- رأي الناس فيك مش مهم
"واعلم أن رأي الآخرين فيك لا ولم ولن يدل عليك، وذلك لأن هذا الرأي يكون مبنياً
على قيم ونظام وتفكير هؤلاء الآخرين، لا قيمك أنت.. ولا تفكيرك أنت.. ولا مفهومك
أنت، فأنا وأنت والجميع معجزة من الله - سبحانه وتعالى - فكيف لشخص أن يحكم على
شخص آخر ليحدد مصيره؟!" د/ابراهيم الفقي
في حياتك هتلاقي ناس كتير بتبدأ تحكم عليك وعلى قرارتك تجاهلهم تماما والاقتباس
فوق يوضح ليه تتجاهلهم متخليش ضوضاء الاخرين تؤثر على قرارتك الشخصيه .
5- الصحة مهمة فحافظ عليها
هيبدأ تدريجيا يتسلل ليك شوية تعب والم هتؤثر عليك وعلى ادائك في شغلك او طريقك
الى هدفك حافظ على صحتك اتمرن كل اكل صحي اتعلم يوجا ابدأ حط بعض التقدير
والوقت لصحتك .
6-القلق مش هيغير مستقبلك
هتتعلم ان القلق مش هيغير مستقبلك لازم تكون مستعد لمواجهة مستقبلك بالتخطيط
الجيد والشجاعه اللازمه انك تاخد المخاطره .
No Risk No Rizk
7-انت مش مركز الكون
هتتعلم انك مش مركز الكون كل الاحداث بتدور حواليك مش كل حاجه لازم الاهتمام
يكون ليك انت هتتعلم انك تتأقلم وانك تكون جزء من صورة اكبر وانك تركز وتبص
برا حدود نفسك .
0 التعليقات: