دلوقتي عشان الامتحانات دخلت ع الابواب اهي والجداول زي الزفت :D الحمدلله محتاج انك تضغط نفسك ووقتك عشان تعرف تخلص دي تقسيمه ليومك خدها كمثال امشي عليه ووطبقه على حياتك وعدل عليه لحد ما توصل لافضل طريقه تستغل بيها يومك .
خلي بداية يومك مع صلاة الفجر تبدأ يومك بروحانيه كده مع دعاء وطلب من ربنا السداد والتوفيق صلي الصبح واعمل تمارين رياضه كده لمدة سبع دقائق .
شوف الفيديو ده واعمل زيه بالضبط سبع دقايق هيشغله كل عضله في جسمك حتي صوابعك
بعد التمارين هتحس بتشاط وحيويه هتقوم مجهز تفسك للجامعه او المدرسه وهتوضب حاجاتك وتخلع على الجامعه هنسيب الوقت ال هنقضيه في الطريق يروح لأ طلع مصفحك واقرأ فيه ربعين او حتى ادخل على موقع www.iqraaly.com
اختار كتاب منه حمله واسمعه في طريقك
طب في المحاضرات عشان تستفاد اكبر قدر من الاستفاده ادخل على الموضوع ده واعرف يعني ايه طريقة كورنيل
طريقة كورنيل "ركز في المحاضره وسجل ملاحظات "
هترجع من الجامعة تعبان هتاخد ساعه نوم كتجديد للنشاط بكده تكون قسمت يومك لمرحلتين الصبح وبعد الظهر هتقوم من النوم نبدأ بقى للمرحله التانيه من يومك
نبدأ نذاكر طب هنذاكر ازاي
اولا
اقفل فيس بوك تويتر اقفل الفون بتاعك او حمل ال app ده من هنا self control study
نقسم المذاكره على فترات كل فتره مدتها 25 دقيقه بعد كل فتره هناخد 5 دقايق راحه وبعد اربع فترات هناخد فتره راحه كبيره يعني مثلا 15 دقيقة
كل حاجه عن طريقة بومودورو ونصايح للمذاكره اقرأ الشويه ال تحت دول
ال هي تذاكر 25 دقيقه خمس دقايق ريست تكافىء بيهم نفسك بقى شاي قهوه نسقافيه
طب انا عايز التايمر بس مش عايز ادفع مليم اعم
بص ياباشا ده تطبيق من جوجل بلاي ببلاش
نزله اسمه " Clockwork Tomato
ومظبوط جاهز كل 25 دقيقه يعمل صوت معين وبعد كده خمس دقايق يعمل صوت تاني تنبيه ان الريست انتهى عشان ما تظطش وكده
طب انت عارف ما اجتمع طالب والكتاب ال كان الفيس ثالثهما
عارف عشان كده نزل التطبيق ده " Stay Focused | "
هيقفلك التطبيقات ال الشيطان بيوسوسك ان انت تفتحها في وقت انت تحدده
طب نصايح
1-قبل ما تذاكر رتب مكتبك ترتيبه كويسه حتي لو مترتب ده هيديك شعور بالراحه اه والله هتحس ان انت بادئ على نضافه كده
2-اشتري فلاش كارد تقريبا ب 8 جنيه هتقضيك السنه كلها واكتب في كل ورقه حاجه مهمه في الدرس او قسم الدرس عناصر
انا مش عايز ادفع ولا مليم يا عم خلاص نزل التطبيق ده بس اناا افضل الكتابه
Flash card maker
3-اعمل نسكافيهك او نعناعك وحط جنبك ازازه ميه اول ما تحس انك زهقت او دماغك علقت اشرب ميه واهدى كده لمدة نص دقيقه وارجع ذاكر تاني الميه هتحسسك بانتعاش كده
بعد ما تخلص مذاكره قول ان كل ال ذاكرته ده هطلعه صدقه لله اي حد مش فاهم حاجه او في حاجه واقفه قدامه ساعده فيها ولو تبيض الدرس وتخلي الناس تصوره
وقبل ما تذاكر ابقى صلي ركعتين او اقرأ سورة يس
مش هتمل وانت بتذاكر وهتنجز وهتستمع
طريقة التقسيم انتظروها في التدوينه ال جايه
بقيلنا 6 ساعات هنتكلم عليهم اهم 6 ساعات في اليوم
........
استغل يومك صح عشان منبكيش على اللبن المسكوب
0 التعليقات: